അമ്മയുടെ നൊമ്പരം

അന്യനാകുന്നുവോ ഈ നാളിൽ

ഞാൻ പെറ്റുനോറ്റൊരു 

സ്നേഹസ്വമാം എൻ പുത്രനും

അവനായി ഞാൻ അനുഭവിച്ച

പേറ്റുനോവും.

അന്യയായി തീരുന്നു ഞാനിന്നവന്

പുതുതലമുറതൻ വേഗതയിൽ .

നഷ്ടമായി മാറുന്നെനിക്കവനും

അവനു ഞാനും ഈ സ്നേഹം

മരിക്കും യുഗത്തിൽ.

ഏകയായി തീരുന്നു ഞാനിന്നീ

നാൽചുവരിനുള്ളിൽ .

നിഷിദ്ധമാണെനിക്കാ പുത്ര സ്നേഹം

നിഷിദ്ധമാണെനിക്കാ വൃദ്ധ സ്നേഹം

അലിവ് തെല്ലുമില്ലാത്ത ഈ യുഗത്തിൽ .

പത്ത് മാസം ചുമന്ന് നൊന്തു -

പ്പെറ്റൊരീയമ്മയെ വിസ്മരിക്കുന്ന ഈ

കൊടും പാപം, അറിയാതെ പോലും ശപിക്കാനാകില്ലൊരു ജന്മത്തിനും

ഈ "മാതൃഹൃദയത്തിന് " .